Dei nye rapportane inneheld ei oppsummering av miljøtilstanden i havområdet, endringar og utviklingstrekk for miljøtilstand og samla belastning, særleg verdifulle og sårbare område, aktiviteten til næringane og deira påverknad på miljøet og andre næringar.
Faggrunnlaget tek også for seg verdiskaping i dei havbaserte næringane, økosystemtenester, risiko for og beredskap mot akutt forureining, kunnskapsbehov, vurdering av måloppnåing og gjennomføring av tiltak.
DSA har i arbeidet med faggrunnlaget, bidratt med kunnskap om radioaktive stoff og forureining i havområda. Atomberedskap er omtalt saman med anna risiko for og beredskap mot akutt forureining.
DSA er med i både Fagleg forum for norske havområde og Gruppa for overvaking av dei marine økosystema.
- Les fagmeldinga: Oppdatert kunnskap om norske havområder (miljodirektoratet.no)